شاورما الوان الطيف

عدد المساهمات : 697 تاريخ التسجيل : 10/05/2011

شاورما الوان الطيف

2 فنجان قهوة سكر
2فنجان قهوة حليب بودر
ملعقة كبيره خميرة فوريه
ملعقة صغيره Bp
نص كاس زيت
كأسين مويه

طبعا المقادير دي كلها بالخلاط

بعد كدا تجيبين ألوان الطعام طبعا هي معروفه للكل وعلى حسب الالوان اللي عندك
تقسمين الخليط بالتساوي عليها كل واحد بعلبه
هنا تمتقسيمها بخمس علب بلاستيك 4 الوان وواحد بدون لون عشان يعطيكي ابيض
واضيفي عليها الدقيق لحد ماتصير عجينه لينه واتركيها تتخمر ساعه

ودي صورتها بعد ماتخمرت ، وتكوريها مثل الصورة

وتحمريها عالصاج من الجهتين

اذا تحمرت من الجهتين حطيها بحافظه واقفلي عليها عشان تكون لينه وماتتكسر معك

بعد كذا نجي للحشوة

شوحي شرايح بصل وشويه ثوم بالزيت
وقطعي فيليه الدجاج مكعبات وضيفيها بالاضافه لشوية الجزر المبشور والفلفل الرومي
وبرضه قطعيه مكعبات
وتضيفيه عليه..
ملح - فلفل اسود - كاري - ملعقة طحينة سايله - ملعقتين زبادي
وسر النكهة ملعقة (peanut butter) زبدة الفول السوداني

تخليها شوي عالنار لحد ماتستوي وتطفي عنها
بعد كذا بامكانك تدخني الدجاج
طبعا الكل يعرف الطريقه تحطي شويه زيت بصحن وتحمي الفحمه وتحطيها بصحن الزيت
وتخليها وسط الدجاج وتغطيه لحد مايكسب النكهة

طبعا الحشوة على حسب رغبتك اي حشوة تنفع

ودي صورة للحشوة بعد ما تقفلي عليها وتدخنيها

بعد كده تقطعي شرايح خس وتخلطي مايونيز وكاتشب لزوم الحشو .. وتبدأي شغلك

طبعا تلفينها رول او تخلينها مفتوحه من فوق انتي وطريقتك
وغلفيها بالغلاف النايلون المعروف حق الاكل

وهذا الشكل النهائي لها

وهنا شكلها قبل ما تلفيها بورق الساندويتش

ودي لو عندك عزيمة كبيرة وحبيتي تكشخي ..
لفي كل واحده بمنديل ملون واربطيها بشريط ساتان
وتجيبين سلة خوص وتحطي فللين تحت وفوقه قصدير زي طريقة المحلات اذا حطوا الفللين وفوقه الحلاوة وتغرسي الشاورما فيها باعواد الاسنان

وهذا شكلها عن قرب

إن شاءالله تكون اعجبتكم

» سكون وهدوء الوان الصالون يعكس شياكة البيت